Ашық турнир

Ұ.О.С--ның ардагері, Еңбек Ері, кезінде 1964--1996ж. аралығында Байзақ ауданы Түймекент ауылында "Трудовой пахарь" колхозының басқарма бастығы болған, марқұм А.Л.Нахмановичтің туылғанына 100ж. толуына байланысты ж/е  Түймекент ауылдық округінің соғыс ж/е еңбек ардагерлерін еске алуға арналған волейболдан ардагерлер арасында Түймекент ауылының спорт сарайында ашық турнир өткізілді.
   Еліміздің тәуелсіздік күнімен тұспа--тұс келген спорттық іс--шарада ардагерлердің шеберлігін арттыру, ардагерлерді дене шынықтыру, спортпен жүйелі түрде айналысуға тарту ж/е ардагерлер арасында салауатты өмір салтын насихаттау мақсатында ұйымдастырылды.  Турнирдің ашылу салтанатында Байзақ ауданы әкімінің орынбасары Рүстем Қасымов сөз сөйлеп ашып, бұқара халыққа спорттың ден саулыққа пайдасын зерделей келіп, ардагер спортшыларға сәттілік тіледі.   Түймекент ауылдық округі ақсақалдар алқа мүшесі Марат Бөгенбаев сөз алып, А.Л.Нахманович колхозды 32 жыл басқарғандағы ерен еңбектеріне тоқталып, бар табысты ел игілігіне жаратып, халықтың тұрмысы мен әл--ауқатын жоғары жетістікке жеткізіп, аянбай еңбек еткен Еңбек Ерін еске алды.
   Келесі тілек білдіруші, әкесінің аталып өтіп жатқан 100 жылдық мерейлі тойына Мәскеуден арнайы келген қызы Галина Александровна Нахманович өзінің Түймекент ауылында өткен жастық шағын, орта мектепте білім алғанын, көз көргендерін еске алып, осы іс--шараны ұйымдастыруға ат салысқан ауыл тұрғындарына рахметін айтып, ризашылығын білдіріп, көзіне жас алды.
   Ендігі кезекте еліміздің көк Туы көтеріліп, Әнұран орындалып, турнирге қатысуға тапсырыс берген сегіз өңірден келген ардагерлер ойынды бастап кетті. Спорт сарайы жанкүйерлер мен көрермендерге лық толы болды.
  Финалдық ақтық айқаста екі топтан суырылып шыққан Сарыкемер мен Жамбыл аудандарының командалары ойын өрнегін көрсетті. Өте қызықты шиеленіскен ойында Сарыкемерліктер 2 : 1 есебімен жеңіске жетіп, бірінші орынды иеленіп, арнайы кубокпен, грамотамен ж/е  110 000теңге силықпен марапатталды.
  Екінші жүлделі орынды Жамбыл ауданының командасы иеленіп, арнайы грамота мен  70 000 теңге  сый сияпатпен марапатталды.
    Жүлделі үшінші орынды Тараз ардагерлер командасы иеленіп, тиісінше арнайы грамота мен 60 000 теңге сыйлықпен марапатталды.
  Турнирге қатысушылар мен ауыл ақсақалдарына арнайы дастарқан жайылып, өмірден өткен соғыс ж/е еңбек ардагерлерінің әруақтарына бағышталып құран оқылды.
  Турнирге қатысқан спортшылар мен жиналған халық осы іс--шараны ұйымдастырған ауылдың азаматтарына, ауылдың ардагерлер кеңесінің төрағасы Жомарт Мұхамбетжановқа ж/е Түймекент ауылы мен Сарыкемер ауданының ардагер спортшысы Мұхтар Сәлімбаевқа, рахметтерін айтып, ризашылығын білдірді.
Ал, келесі күні А. Л. Нахмановичке арналған тақтаның ашылу салтанаты және гүл шоқтарын қою рәсіміне Тараз қалалық ардагерлер кеңесінің төралқа мүшелері қатысты. Жамбыл облысының әкімі Ербол Қарашүкеев ауылдық мәдениет үйінде өткен " Еңбегі еленген тау тұлға" тақырыбында өткен конференция жұмысына қатысып сөз сөйледі.
 Нарынбек, Тараз қалалық ардагерлер кеңесінің ардагер спортшысы