Азаттық пен еңсесі биік елдіктің айшықты мерекесі

Жуалы аудандық «Достық» мәдениет үйінде Республика күніне арналған «Қастерлі Отан - Қазақстан!» атты салтанатты мерекелік жиын ұйымдастырылды. Оған өңірдегі еңбек ұжымдары, ардагерлер және жастар шақырылды. Салтанатты шара басталмас бұрын сахна төріне Қазақстан Республикасының Мемлекеттік Туы әкелініп, Мемлекеттік Гимн орындалды.
     Алғашқы мерекелік құттықтау сөз сөйлеген аудан әкімі Жалғас Мұртаза, Республика күні - ұлттық мерекесінің ел өміріндегі мән-маңызына тоқталып, мерекенің аудан жұртшылығына игілік пен жақсылық алып келуіне шын жүректен тілектестік білдірді.     Құттықтаудан кейін ауданның әлеуметтік- экономикалық дамуына қосқан елеулі үлесі, көпжылғы еңбегімен қоғамдық өмірге белсене араласқаны үшін бірқатар азаматқа «Жуалы ауданының Құрметті азаматы» атағы салтанатты жағдайда табысталды.

     Биыл «Құрметті азамат» атағын иеленгендердің қатарында - cy
шаруашылығының ардагері Серік Садиров, Ауған соғысының ардагері Ерғали Тілеубеков, спорт ардагері Мақсұтбек Арзымбетов, шаруашылық басшысы Еркебай Нағашбеков, облыстық «Олимпиада жеткіншектерін даярлау орталығының» басшысы, спорт ардагері Махамбет Дүйсембаев, сонымен қатар, Жарылқасын Айтақов және Ілияс Тойшыбеков сынды азаматтар бар.     Сонымен қатар «Жуалы ауданының Құрметті ардагері» атағын аудандық ардагерлер кеңесінің төрағасының орынбасары Ералиев Абуғали Абделіұлы 5 ардагеріге табыстады. Олар: Медетбек Сейітқазы, Қасаболатов Жапарбек, Жұмабеков Ержан, Қуанышев Алтынбек, Султанов Бердикул.