«Дәстүрге жол— қазақ аналары»

Жаңа Қазақ елі үшін қазақ өркениетін дамыту, салт-дәстүрін, әдет-ғұрпын, тілін, т.б. ұлттық құндылықтар аясында кеңейту – өзекті мәселенің бірі. Сондықтан алдымызда тұрған үлкен мақсат – ұлттық мұра құндылықтарын қазіргі таңның мәдени жетістіктерімен үйлестіру.

Ұлттық құндылықтар ұлтты құрметтеуден басталады. Ұлтты құрметтеу –  атап өткен барша ұлттық құндылықтарды дәріптеу, құрмет көрсету, сақтау. Ұлтсыздану  ұлтты, мемлекетті әлсіретеді. Қоғам дамуын тежейді. Бұл – тарихи шындық. Сондықтан тарих, замана алдындағы ұлы сынақ кезінде біз өз таңдауымызды жасадық. Әлемдік озық  құндылықтарды игере отырып, оны ұлттық құндылықтарымызбен байыта береміз. Ұлтты сүю – ұлтшылдық емес. Бүгін Байзақ ауданында «Дәстүрге жол— қазақ аналары» жобасының ашылуына —2 жыл   мерекесі болып өтті. Шараға Тараз, Талас, Мерке, Қордай, Т. Рысқұлов, Жуалы аудандарынан қонақтар келді. Ұлттық салт—дәстүрді ұлықтау, отбасы құндылықты жаңғырту аясында  өткен шара жалғасын таба бермек.