"Батаменен ел көгерер"

Жамбыл ауданында  "Батаменен ел көгерер"атты батагөй ардагерлер арасындағы байқау өтті. Батагөй байқауын облыстық Билер кеңесі төрағасының орынбасары Т. Жұмабек, аудан әкімінің орынбасары М. Досымбекова, аудандық ардагерлер кеңесінің төрағасы Б. Сырлыбаев ашып, қазақта бата беру өте құрметті іс, өйткені бата-қасиетті сөз, батаны ақсақалдар, елге танымал адамдар, жолы улкен кісілер береді, бата-шынайы көңілден  шыққан жүрек сөзі, арнау-тілек деді. Байқауға 13 үміткер қатысты.Үміткерлер ұлтымыздың салт-дәстүріне байланысты баталар, ұлы тұлғалардың баталары, халқымыздың дәстүрлеріне қатысты сұрақтар бойынша сайысқа түсті. Байқау қорытындысы бойынша бірінші орынды Б. Ысқақов (Қызылқайнар ауылы), екінші орынды Б. Қожабеков (Шоқай ауылы), үшінші орынды Е. Құандықов(Бесағаш ауылы) иеленді. Қалған ардагерлер жеке номинациялар бойынша марапатталды. Сайысқа қатысқан ардагерлер арнайы дипломдармен және силықтармен марапатталды. Аудан өнерпаздары ардагерлерге арнап концерттік бағдарлама ұсынды.