ЖУРНАЛИСТТЕР БАЛЫҚ АУЛАУҒА БАРДЫ
Өткен сенбі күні Әулиеата өңірінің журналистері Қазақстан Журналистер одағы Жамбыл облыстық филиалының ұйытқы болуымен Меркі ауданындағы тамаша бір көкорай шалғынға оранған көлді аймағында болып, балық аулап қайтты. Қаламгер қыз-жігіттердің балық аулауына ардагер журналист, Қазақстанның Құрметті журналисі, Меркі аудандық "Меркі ақиқаты" газетінің директоры-бас редакторы Серікбай Құралбай барлық жағдайды жасады. Меркі ауылына кіре берістен өзі күтіп алып, аудан әкімдігінің жаңадан ашылған мәжіліс залында облыс журналистерімен ауданның зиялы қауым өкілдері өзара әңгіме-сұхбат құрды. Келген қонақтарды Меркі ауданы әкімінің орынбасары Нұрсұлтан Бақытжанұлы Нәрікбаев өзі қарсы алып, жол болсын айтты.Одан кейін журналистер көл жағасына барып, балық аулап, өзара бәсекеге түсті. Біле-білген кісіге балық аулау да үлкен өнер екен. Көрнекті қаламгер, журналист Көсемәлі Сәттібайұлының, жас журналистер Ақтоты Жаңабай мен Айжан Өзбекованың және Тараз қаласы әкімінің кеңесшісі журналист Дәулет Төлендінің қармақтары майлы болып, балықшы қаламгерлер сары сазандарды бірінен кейін бірін лақтырып жатты.
Ұтқырлық көрсеткен журналистерге бағалы сыйлықтар берілді. Балық аулаға қатысқан барлық қаламгерлерге көтермелеу сыйлықтары таратылды.
Қаламгерлердің кәсіби мерекесіне арналған балық аулау шарасы есте қаларлықтай қызықты болып өтті.
"ҒҰМЫР-ДАРИЯ" – АҚПАРАТ.
Обсудить
Блок в статье:
"Ана тілің-арың бұл"
20 сентябрь 2024, Пятница
«Елдіктің тоғыз бағыты-жас ұрпаққа бағдар» атты облыстық семинар-кеңес
19 сентябрь 2024, Четверг
БАТАМЕНЕН ЕЛ КӨГЕРЕР
19 сентябрь 2024, Четверг
Похожие материалы:
Комментарии (0)
