75 жас мерей той

13 қаңтар күні жоғарғы санатты хирург және денсаулық сақтау ісінің ұйымдастырушысы, медицина ғылымдарының докторы, профессор, Нью-Йорк Ғылым академиясының және Қазақстан Журналистер Одағының мүшесі, Жамбыл облысы және Сарысу ауданының құрметті азаматы Сағындық Ордабековтың 75 жас мерей тойына байланысты облыстық ауруханасының мәжіліс залында ғылыми конференция өтті. Осы  ғылыми конференцияға бір топ облыс ардагерлері де қатысты. Ғылыми конференцияда сөз сөйлеген облыстық ардагерлер кеңесінің төрағасы Е.Солтыбаев туған күн егесі С.Ордабековке Жамбыл облысының құрметті ардагері төс белгісі мен құттықтау хат тапсырды. Келесі кезекте сөз алған Тараз қалалық ардагерлер кеңесінің төрағасы К.Әбдікешова  Қазақстан Республикасы Парламенті Мәжілісінің  депутаты Г.Нұрымованың құттықтау хатын тапсырды. 


Облыстық ардагерлер кеңесінің ұйымдастыру бөлімі