Мырзахан Ахмет – 70 жаста

 

Жуалы ауданының мәдениет үйінде ҚР Мәдениет қайраткері, Қазақстан Жазушылар және Журналистер одағының мүшесі, Мұқан Төлебаев атындағы республикалық композиторлар конкурсының лауреаты, жазушы, журналист, ақын, композитор Мырзахан Ахметтің 70 жас мерейтойына арналған әдеби музыкалық кеш өтті. 
Алғашқы құттықтау сөз сөйлеу мәртебесі аудан әкімі Жалғас Мұртазаға берілді.
Кешке облыстық мәслихаттың төрағасы Абдалы Нұралиев, облыстық ардагерлер кеңесінің төрағасы Еркінбек Солтыбаев, ҚР Журналистика академиясының президенті, тарих ғылымдарының докторы, профессор, академик Сағымбай Қозыбаев, академияның вице-президенті, академик Валерий Жандәулетов, академик Төлеміс Құлмұхамедов, «МедРемЗавод» медициналық холдингінің бас директоры, мед техника өндіруші Арыстанбек Жұмағұлов, ҚР Ұлттық машина жасау көлік академиясының президенті, техника ғылымдарының докторы, профессор, академик Жақсыбай Нұрлыбайұлы, Абай атындағы Қазақ ұлттық педагогикалық университеті Кәсіподақ комитетінің төрағасы Мұхтар Ибраймов аудандың ардагерлер кеңесінің төрағасы С.Ш. Жұмашев, аудандық әкелер, билер кеңестерінің төрағалары А. Ералиев, М. Рахметов қатысты. 
Кеш иесіне ҚР Журналистика академиясының Президенті, профессор Сағымбай Қозыбаев журналистика саласындағы үздік табыстары үшін “ҚР Журналистика академиясының академигі” омырау белгісін тапсырды.
Мырзахан Ахметтің жерлестері мен ағайын-туысы ат мінгізсе, өзінің ұлы айтыскер ақын Қанат Мырзаханұлы темір тұлпар тарту етті.