14 ҚАЗАН – ЖАМБЫЛ ОБЛЫСЫНЫҢ ҚҰРЫЛҒАН КҮНІ

Осыдан 85 жыл бұрын  КСРО Жоғарғы Кеңесі Төралқасының 1939 жылғы 14 қазандағы Жарлығымен Жамбыл облысы құрылды.  

Алғаш құрылғанда құрамына тоғыз аудан енгізілді, оның алтауы Оңтүстік Қазақстан облысының құрамынан және үшеуі Алматы облысының құрамынан бөлінді. Сонымен қатар облысты құру кезінде Шу ауданынан бөлінген жаңа Көктерек ауданы құрылды.

Бүгінде облыс 10 ауданға және 1 облыстық бағыныстағы қалаға (қалалық әкімшілік) бөлінген.

Жамбыл облысының жер аумағы  144,2 мың кв/км.   

Халық саны 1223,6 мың адам.

1997 жылғы 8 қаңтарда Қазақстан Президентінің Жарлығымен облыс орталығы Жамбыл қаласы Тараз болып өзгертілді.