"Үлкендер жолы ұлылық, ұрпағы жүрер ұғынып"

«Қарттар күніне» орай Ахмет Байтұрсынұлы атындағы гимназиясында ерекше және тәрбиелік мәні зор жоғарғы сынып  оқушылары  Шу аудандық ардагерлер кеңесінің төрағасы, Шу ауданының Құрметті азаматы Өмірәлиев Ержан Көрікбайұлымен кездесу ұйымдастырылды.  Кездесу "Үлкендер жолы ұлылық, ұрпағы жүрер ұғынып" тақырыбымен өтті, бұл іс-шараның негізгі идеясы — ұрпақтар арасындағы рухани сабақтастықты нығайту және өмірлік тәжірибелерден үлгі алу және тек адал еңбек пен елге деген сүйіспеншілік арқылы биік мақсаттарға жету болып табылады.  Ардагер өз сөзінде: "Біздің міндетіміз — елге қызмет ету, ұрпақтарға жарқын болашақ қалдыру. Біз осы жолды жүріп өттік, енді сіздер біздің ізімізбен жүріп, еліміздің дамуына өз үлестеріңізді қосуларыңыз керек," – деп, жастарға өсиет қалдырды. Кездесу барысында Өмірәлиев Ержан Көрікбайұлы өзінің өмірлік жолын, еңбек жолындағы жетістіктерін, қоғамға қосқан үлесін әңгімелеп, оқушыларға адамгершілік, адалдық және еңбексүйгіштік сияқты қасиеттердің маңыздылығын түсіндірді.