МОЙЫНҚҰМ ШЕБЕРЛЕРІ «ГИНЭС» РЕКОРДТАР КІТАБЫНА ЕНДІ

оооо

Бұл жолы әлемнің сексеннен астам елінен келген меймандар қазақ оюларының нақышына тәнті болды. Ұлы дала елінің рухы мықты қолөнер шеберлеріне ризашылықпен қол соқты. Ұлттық қолөнерінің үздік үлгісін көрсеткен мойынқұмдық шеберлердің еңбегі сөйтіп бесінші Дүниежүзілік көшпенділер ойындарында дәріптелді. Қазақтың құрағын әлемге танытуды көздеп келген он саусағынан өнері тамған жерлестеріміз әр қазақтың төрі сұлулыққа толы екенін, құрағы ақ ниет пен имандылықты, жомарттықты паш ететін ұлттық сипат екендігін тағы бір рет дәлелдеді. Ұлы даламызды дүбіріге бөлеген көшпенділер ойындарына өз өнерлерін паш етуге ауданымыздан 12 қолөнер шебер барып қайтты. Қазақстанның жаңа рекордын жаңартқан қолөнершілер қатарында ауданымыздың ардақты ардагерлері, ұлағатты ұстаздары, қолынан өнері тамған тігіншілер бар еді. Осы дүбірлі додада ұлттық қолөнерімізді әлемге паш еткен Аманкүл Дәметова, Тазакүл Станбекова, Ләйлә Қорысбаева, Жазира Сейітжанова, Марал Көкежанова, Ақмарал Қалымбетова, Айгүл Нұрлыбаева, Гүлмира Әденова, Бақтыгүл Түсіпжанова, Мөлдір Сансызбаева, Гүлнұр Сәмбетова, Алма Таубазаровалардың шебердігіне шексіз ризашылығымызды білдіреміз. Туған жерлерінің даңқын асырған ардақты аналарымыз аман болсын.
Алуа ҮМБЕТҚҰЛОВА, Қазақстан Журналистер одағының мүшесі Мойынқұм ауданы