Ер есімі - ел есінде

Киелі Талас өңірі орақ тілді ақындар мен намысын жатқа бермеген батырларға кенде болып көрген жоқ. Ел басына күн туғанда етігімен су кешкен қаһармандардың еңбегі мен ерлігі әрдайым жұртшылық жадында.

Солардың бірі - Талас ауданының Құрметті азаматы, қоғам қайраткері, Ұлы отан соғысының ардагері

Әбілқайыр Сатыбалдинді жерлестері бір сәтке де жадынан шығарған емес.

Соның жарқын дәлелі - халқының болашағы үшін аянбай тер төккен қайраткердің 100 жылдығына орай Қаратау қаласында  жасөспірімдер арасындағы жылдам шахматтан командалық және кіші футболдан облыстық турнир өтті.

 Бүгін осы дүбірлі доданың ашылу салтанатына арнайы қатысып, Әбілқайыр аға рухына тағзым еттік.

Елі барда ерлердің еділ тірлігі ешқашан ұмытылмайды. Сондықтан алдағы уақытта бұл турнир дәстүрлі түрде өтетін болады.