" Даңқы өшпес Батырдың рухына мың тағзым"

Жуырда Жуалы ауданының Ақтөбе ауылдық округінде Ұлы Отан соғысының батыры, жауынгерлік " Даңқ" ордендерінің толық иегері Тайыр Тастандиевтің 100 жылдық мерейтойына орай өзі соғыстан кейінгі жылдарда ширек ғасырға жуық ауылдық кеңестің төрағасы болып қызмет атқарған Бәйтерек ауылында  " Даңқы өшпес Батырдың рухына мың тағзым" аталатын мерейтойлық, әрі патриоттық іс- шара ұйымдастырылды.

Оған ауыл тұрғындары мен қатар Батырдың ұл- қыздары мен туған - туыстары, аудандық ардагерлер, билер, қоғамдық кеңестерінің төрағалары С.Ш.Жұмашев, М. Рахметов, Ә. Үркінбаев, бастауыш ардагерлер ұйымдарының төрағалары К.Дәуренов, Ж, Тәжіханов, С. Садыров және бір топ ардагерлер қатысып, Батырдың бюстіне гүл шоқтарын қойып, тағзым етті. Тайыр Бүркітбайұлы Донецк қаласының маңындағы кескілескен ұрыста өзінің бөлімшесімен жаудың жаудың күшті бекінісін алғаны үшін 3- ші дәрежелі, жау ДЗОТ- ын гранатамен жарғаны үшін 2- ші дәрежелі, Днепр жағалауындағы кескілескен ұрыста көрсеткен ерлігі үшін 1- ші дәрежелі "Даңқ " орденімен марапатталған.