АРДАГЕРЛЕР ҮЙІНДЕГІ ЖЫЛЫ ЖҮЗДЕСУ

Бүгін аудан әкімдігі ішкі саясат бөлімінің басшысы Теміржан Ізтілеуов аудандық Ардагерлер үйіне арнайы барып, аға ұрпақпен емен-жарқын әңгімелесті. Аудандық ардагерлер кеңесінің төрағасы Бақыт Сырлыбаев, билер кеңесінің төрағасы Батырбек Саршаев, Жамбыл аудандық Дүниежүзілік қазақтар қауымдастығы және Отандастар қоры фронт офисінің төрағасы Сембек Пірімқұлов елдік мүддені көздеген ортақ игіліктер, халықтық қалпымыз, ұрпақтар сабақтастығы, ұлттық құндылықтар жайында сипатты сөз сабақтады. Жылы жүздесуде соңғы он жыл мұғдарында аудандық ардагерлер кеңесінің облыста ең алдыңғы қатардан көрініп жүргені айтылып, алдағы уақытта да халық игілігі жолында бірлесе жұмыс атқаруға уағдаласты.

Басқосуда Теміржан Серікұлы халық қайсыбір тірлікте болмасын, қазыналы қарттарға арқа сүйейтінін, әке айтқан ақылдың, ата берген батаның қасиетін тілге тиек етіп, өңірімізде жасампаз істердің жанашыры болып жүрген ардагерлерге ризашылығын білдірді.