АРДАГЕРЛЕР АСЫЛДАРЫМ – АРДАҚТЫМ

27 октябрь 2022, Четверг

128

Қазағымның үлгі өнеге – әр күні,
Ізгіліктің сарқылмаған қарқыны.
Біз үйрендік асыл істің барлығын,
Ардың туы – ардагерлер арқылы!

Өзін емес, елге керек бақты ойлар,
Сол тұлғаны бүгінгілер таппай дал.
Ардың туы – ардагердің көшбасы,
Кешегі өткен Асанбайлар, Айтбайлар!

Халил көкем жайнап жүрер нұр өңі,
Баттал көкем тола ізгілік жүрегі.
Қай кезде де елмен бірге емес пе,
Тілеуқабыл атамыздың тілеуі!

Арғынбай мен Әлдихандар – арландар,
Қайран Саттар, Сағынбектер, Жандарлар.
Қолын алдық Ералы, Берден, Нұрдаулет,
Осы бізде қандай ғана арман бар.

Әлмұхан көке, Сансызбай көке, Нәрейім,
Дәуреновті есіме бүгін алайын.
Арыстан, Жапар, Өтеулі ата, Рахыжан,
Тұрсынханды айтпай қалай қалайын!

Ағаларым Еркінбек, Жарас, Елендер,
Қамбарбекке бүкіл Меркі елеңдер.
Дараларым Қайырбек, Қожайхан, Сәруархан,
Амангелді, Сланбек – тереңдер

Ғайникен, Нілзия еңбекке арнап көп күнін,
Лидия, Күләш Әбдікешова – бақ гүлім!
Күләш әпкем – осы көштің жалғасы,
Айтекеңдей қызы емес пе тектінің.

Ардагер аға – әпкелерім, асылым,
Алды көрген ғұмыр жастың ғасырын.
Бұл тізімде айтылмай қалған кісілер,
Басымды иіп сұраймын мен кешірім!

Ардагермен жанымызға нұр келсін,
Сіздер барда бақ келеді күнде шын.
Айналайын даналықтың бұлағы,
Ардагерлер, біздерменен біргесің!