Ел, мемлекет қайраткерлерінің рухына – ТАҒЗЫМ
Тараз қаласының «Ұлан» стадионында Мемлекет және қоғам қайраткерлері, Ұлы Отан соғысының ардагерлері Асанбай Асқаров пен Мұқатай Жұрмұхамедовты еске алуға арналған футболдан жасөспірімдер арасындағы ашық облыстық турнирдің салтанатты ашылуы өтті. Турнирді Жамбыл облыстық ардагерлер кеңесінің төрағасы Солтыбаев Еркінбек Бейсенбекұлы ашып, құттықтау сөз сөйлеп, мемлекет және қоғам қайраткерлері Асанбай Асқаров пен Мұқатай Жұрмұхамедов туралы естеліктерімен бөлісті, елге сіңірген қажырлы еңбектері мен адал қызметтері туралы толық мағлұмат берді. 
Асанбай Асқаров 1922 жылы 15 қыркүйекте Жамбыл облысы Меркі ауданы Тәтті ауылына қарасты «Қарасу» бөлімшесінде дүниеге келген. Еңбек жолын Фрунзедегі педучилищені бітіріп, орыс тілі пәнінің мұғалімі болып бастаған.
1942 – 1946 жылдары әскерде болып, полк мектебінде, саяси училищеде оқиды, полковник званиясын алады. 1946 жылы Меркі аудандық комсомол комитетінің бірінші хатшысы, Жамбыл облыстық комсомол комитетінің бірінші хатшысы, обком бюросының мүшесі болды.
Мәскеу Жоғары партия мектебін бітіреді, Красногорск, Меркі аудандық партия комитеттерінің бірінші хатшысы, облыстық кеңестің Атқару комитетінің төрағасы, ал 1959 – 1965 жылдары Жамбыл обком партиясының бірінші хатшысы, 1965 – 1978 жылдары Алматы обкомының, 1978 – 1985 жылдары Шымкент обкомының бірінші хатшысы болып қызмет атқарған. Асанбай Асқаров Социалистік Еңбек Ері, бес мәрте Ленин орденімен, Октябрь Революциясы, «Еңбек Қызыл Ту» ордендерімен наградталған.
1986 жылы Қазақстан партиясын колбин басқарған кезде Асқаровтың басына ауыр күндер туып, тергеу кезінде оған Желтоқсан көтерілісін ұйымдастыруға қатыстылығы, ұлтшылдығы сияқты «кінәлар» тағылды. Уақыт өте келе А.Асқаровқа тағылған айыптың мүлдем негізсіздігі анықталып, Қырғыз Республикасының Жоғарғы соты төралқасының шешімімен ол толық ақталды және азаматтық құқықтары қалпына келтірілді.
Мұқатай Жұрмұхамедов 1917 жылы 12 желтоқсанда Торғай облысы Амангелді ауданы № 14 ауылда туған.
Ташкентте Орта Азия мемлекеттік университетін 1941 жылы, Алматы Жоғары партия мектебін 1956 жылы және КПСС Орталық Комитетінің жанындағы жоғары партия мектебін 1963 жылы бітірген. 1941 – 1945 жылдары Ұлы Отан соғысына қатысқан майдангер. 1950 – 1962 жылдары Оңтүстік Қазақстан облысы, Ильич ауданы партия комитетінің 2 – ші хатшысы, Ильич және Пақтаарал аудандарында аткомдарының төрағасы, Киров ауданы партия комитетінің 1 – ші хатшысы, Шымкент обкомының хатшысы болған. Ал 1962 – 1964 жылдары Жамбыл облисполком председателі және 1964-1971 жылдары оның бірінші орынбасары, 1971-1972 жылдары Жамбыл облыстық партия комитетінің бірінші хатшысы болды. 1972 жылы денсаулығына байланысты зейнеткерлікке шықты.
М.Жұрмұхамедов бірінші, екінші дәрежелі Отан соғысы орденімен, «Еңбек Қызыл Туы» , «Құрмет белгісі» ордендерімен наградталған.
Екі қайраткер де халқына адал қызмет жасаған тұлғалар.
Жиында сондай – ақ, А.Асқаровтың жақын келіні Ермеккүл Олжабаева, ағайыны Ескендір Жунусов, шәкірті Жетен Медеуов, М.Жұрмұхамедовтың ағайыны Абдіраман Утемисов, келіні Роза және облыстық спорт саласы ардагерлерінің төрағасы Тәуірбек Қарауылтегі сөз сөйледі.
Жарысқа қатысып отырған 2013 жылы туылған жасөспірімдер командаларының қатарында бір команда Жұрмұхамедовтың отаны- Қостанай облысынан келіп қатысуда. Турнир 18 мамырда аяқталып, жеңімпаздар марапатталатын болады.
Жарысқа демеуші болып отырған Абдіраман Утемисов пен турнирді ұйымдастырып отырған облыстық спорт басқармасының «Ұлан» стадионының қызметкерлеріне РЕСПЕКТ!
Qasymhan Estemesuly Tólendiev
Обсудить
Блок в статье:
Жасампаздық жаршылары
01 июль 2026, Среда
СЕЙТҚАЗЫ ҚАЖЫ – ЖЕҢІМПА3!
30 июнь 2026, Вторник
Тәрбие жұмысына бәріміз жауаптымыз
30 июнь 2026, Вторник
Похожие материалы:
Комментарии (15)
