Ұлы Жеңіске тағзым

Тараз қаласындағы Шерхан Мұртаза атындағы мектеп - гимназиясында                      "Ардагерлер ұйымы" республикалық қоғамдық бірлестігі Тараз қалалық филиалының Ұлы Отан Соғысындағы Ұлы Жеңістің 80 жылдығын мерекелеуге дайындық жүргізу жөніндегі іс - шаралар Жоспарына сәйкес " Ер есімі - ел есінде" атты фото көрме ұйымдастырылды. Көрме Ұлы Жеңістің 80 жылдығына арналған авторлық шығармашылық. Көрме жұмысын Тараз қалалық ардагерлер кеңесінің төралқа мүшесі Баймұрат Жақсыбеков көрермен оқушыларға таныстыра отырып, фото көрме авторы қалалық ардагерлер кеңесінің мүшесі  Төлепберген Сейтқадыровқа сөз кезегін берді. Фото шежіренің әр сурет тарихы мен ондағы кейіпкерлер туралы Т. Сейтқадыров кең көлемде мағұлмат берді. Суреттерді сөйлеткен авторға көрермендер әр түрлі сұрақтар қойып, жауаптарын алды және ризашылықтарын білдіріп шығармашылық табыстар тіледі.