АРДАГЕР ҰСТАЗДАР АРДАҚТАЛДЫ

Үлкенді сыйлау мен оларға құрмет көрсету – ата-бабадан келе жатқан салтымыз. 

Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. 

Себебі, әрқайсыларыңыздың өсіп - өркендеуіне қосқан үлестеріңіз бен еңбектеріңіз ерен. 

Талай жасты тәрбиелеп, ізбасарларыңызды өсірдіңіздер.

 Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым - парасаттың үлгісін танытудан жалыққан емессіздер.

1- қазан Қарттар күніне орай,  ардагер ұстаздарымыздың үйлеріне барып құттықтап қайттым. 

Өйткені ұрпақ тәрбиелеуде ұстаздың қосар үлесі орасан зор.

Тіршіліктің тынысын, уақыттың жүрісін сездіретін, білім әлемінің сырын білетін, өзінің алдынан өткен шәкірттерінің жырын жүрекке түйген тағылым иелері: Жамила Әміркенова,  Қуандық Кенжебаев,  Кенжекүл Сырғабаева секілді ардагер-ұстаздарды төл мерекелерімен құттықтап, еңбек жолдарының көпке үлгі, өнеге екендігін айтып өттім.