Жерлес жазушының жаңа туындысы

Өткен аптада Жуалы ауданының «Ардагерлер орта-лығы» ғимаратында жерлес жазушы, Қазақстанның еңбек сіңірген қайраткері Доқтырхан Тұрлыбектің «Жуалы» тарихи-танымдық энциклопедиялық кітабының тұсауы кесіліп, таныстырылымы болып өтті. Кездесуге Алматы, Тараз  қалала-рынан құрметті қонақтар келіп мен ауыл-ауылдан қадірменді қариялар шақырылды. Кітаптың тұсау кесер рәсімін аудан әкімінің орынбасары Асхат Жабағы ашып, кіріспе сөз сөйледі. Ол елімізге аты кеңінен танымал жерлес жазушы туралы, оның табысты шығармашылық жолы жайлы айтып берді. Аудандық ардагерлер кеңесінің төрағасы, осы кітаптың жарық көруіне бір кісідей қолдау жасаған. Сейітхан Шерелханұлы Жұмашев тарихи – танымдық жинаққа кеңінен тоқталып, жас ұрпаққа берер тағылымын сөз етті. Осы кітаптың жарық көруіне бір кісідей қолдау жасаған. Қазақстан Республикасының мәдениет қайраткері, белгілі суретші Нұрлан Шилібаев кітаптың дизайны мен мазмұнына жоғары баға берді.
Өз кезегінде Доқтырхан Тұрлыбек туған жерге деген ықыласын тебірене жеткізді.Осы еңбегінің жарық көруіне қолдау көрсеткен жерлестеріне өз ризашылығын білдірді. 
Қазақ журналистикасының қайраткері, Ақпарат саласының үздігі, ардагер журналист Ақылжан Мамыт әріптесі Доқтырхан Тұрлыбекке денсаулығы сыр беріп жүргеніне қарамастан осындай жас ұрпаққа мұра боларлықтай құнды, ғажап дүниені зор еңбекпен жинақтап, құрастырып кітап етіп дайындап шығарғаны үшін алғыс білдірді.  Авторға басқа да жерлестері игі тілектерін білдіріп шығармашылық зор табыстар тіледі.
Кездесу соңынан аудан әкімінің орынбасары Асхат Базарбайұлы, Доқтырхан Тұрлыбековты аудан әкімінің Алғыс хатымен тапсырып, қазақы дәстүрмен иығына шапан жапты.
«Ғұмыр-Дария» – АҚПАРАТ