ДӨҢГЕЛЕК ҮСТЕЛ

Жуалы аудандық ардагерлер үйінде Қазақстан халқы тілдерінің күніне орай аудан әкімдігінің мәдениет және тілдерді дамыту бөлімінің ұйымдастыруымен дөңгелек үстел өтті. Іс- шараны аудандық мәдениет және тілдерді дамыту бөлімінің басшысы Ғазиза Тоқсанбаева  ашып, жиналғандарды құттықтады.
Аудандық әкелер және билер кеңестеріні төрағалары Абуғали Ералиев, Мұратқали Рахметов іс- шараға қатысып, дөңгелек үстел басына жиналғандарды тіл мерекесімен құттықтап , Алаш арысы, Ұлт ұстазы, қазақтың көрнекті ақыны, қоғам қайраткері Ахмет Байтұрсыновтың туған күнін атап өтті. Аудандағы этно- мәдени орталықтарының жетекшілері Қазақстан елінде тұрып, бір шаңырақ астында тату-тәтті өмір сүріп жатқандарын мақтанышпен жеткізді. Мектеп оқушылары шешен, әзірбайжан ұлтының өкілдері қонақтарды ана тілінде құттықтап, қазақ тілінде де өздерінің тілектерін білдірді..