"Ауылымның кештері"

Жуалы ауданының Боралдай ауылдық округінде Жамбыл облысының 85 жылдығына орай "Ауылымның кештері" айдарымен Көлтоған ауылдық мәдениет үйі мен Ертай ауылдық клубы мамандарының ұйымдастыруымен "Ұлттық ойын- ұрпақты шыңдайды" атты фестиваль өтті. Фестивальді Боралдай ауылдық округі бастауыш ардагерлер ұйымының төрағасы Байболов Мақсатбек ашып, жарысқа қатысушыларға тілек білдірді. Шара барысында балалар күресі, қатын күрес, қол күрес, әйелдер қол күресі, арқан тартыс, шахмат, дойбы, тоғызқұмалақ ойындары қатар жүргізіліп отырды. Төрешілер фестивальдің жеңімпаздарын анықтап, 1- ші, 2- ші, 3- ші орын алғандарына дипломдармен марапаттап, сый- сияпаттар табысталды.
 Фестивальдің мақсаты: халқымыздың ұлттық құндылықтарын, соның ішінде ұлттық ойындардың тәрбиелік мәнін ұғындырып, дәріптеп, болашақ ұрпаққа насихаттап, жеткізу болып табылады.