ТАУ ТҰЛҒАҒА АРНАЛҒАН ТАҒЫЛЫМДЫ БАСҚОСУ

Биыл белгілі қоғам қайраткері, Ұлы отан соғысының ардагері Тілеуғабыл Төребековтің туғанына 100 жыл толып отыр. Соған орай М.Х.Дулати атындағы Тараз университетінің «Тәуелсіздік залында» дөңгелек үстел отырысы өтті.

Басқосу барысында Тараз қаласы әкімінің орынбасары Ұлана Сламбекова майдангердің ел тарихында алар айрықша орнына тоқталды.

Сондай-ақ облыстық «Ғұмыр-Дария» газетінің директор-бас редакторы, Қазақстанның Құрметті журналисі, еңбек ардагері, облыстық ардагерлер кеңесі төрағасының орынбасары Жаңабай Миллионов, Жазушылар одағының мүшесі Шырын Мамасерікова, Тараз қаласының Құрметті азаматы, еңбек ардагері Меделбай Қатаев, Алматы қаласы бойынша «Қазақстан Республикасының Қоғаммен Байланыстар жөніндегі Ұлттық Ассоциациясы заңды тұлғалардың бірлестігінің директоры Салауат Дембай, «Днепро» украин мәдени орталығы» ҚБ төрағасы Федор Клименко, облыстық қазақша күрес федерациясының президенті Жетен Медеуов, №5 орта мектептің директоры Нұралы Сейдахмет және М.Х.Дулати атындағы Тараз университетінің профессоры, техника ғылымының докторы Исан Тілегенов арда азаматтың ғибратты ғұмыры жайлы сыр шертіп, қара ормандай халқы барда қайраткердің есімі ешқашан ұмытылмайтынын жеткізді.                                                                              ТАРАЗ ҚАЛАСЫ ӘКІМДІГІ