АССАМБЛЕЯ - ТАТУЛЫҚ ПЕН ҰЛТАРАЛЫҚ КЕЛІСІМНІҢ АЛТЫН КӨПІРІ

Бүгін 1 Наурыз – Қазақстан халқы Ассамблеясының құрылғанына 30 жыл толып отыр. Бұл құрылымның әрбір этнос пен барша қазақ халқының болашағы үшін алар орны ерекше. Қазақстан – азаматтық келісімді, түрлі мәдениеттер мен діндерді тоғыстырған көпұлтты, зайырлы мемлекет. Бұл күн ел бірлігін бекемдеумен қатар, тұғырлы татулығымыз бен ырысты ынтымағымызды жаңа белеске жетелейді. Ауданымызға 8 этнос өкілдерінің бірлестігі қоғамдық оқиғаларға, мерейлі сәттерде үлес қосып келеді.

Осы орайда аудандық мәдениет үйінде өткен мерекелік кеш барысында фойеде өзге ұлт өкілдері келген қонақтарды қарсы алып, ұлттық тағамдарын ұсынды. Сондай - ақ, ұлттар татуластығы туралы ойларын айтып, келушілерді мерекемен құттықтады. Ұлттар сабақтастығы деген осы болар.