Өнеге сағаты

Жамбыл облысының биылғы жылды «Кітап оқу жылы» деп атауына орай өңір басшысы облыс әкімі Ербол Қарашөкеев "Әулиеата — кітап оқитын өңір" жобасы аясында тұрғындарды кітап оқуға шақырды.Осы жобаның орындалуына біз де өз үлесімізді қосу мақсатында  16-қаңтар 2025 ж. күні  Меркі  ауыл округі аналар кеңесі төрайымы Байбосынова Розаның ұйымдастыруымен «Санаторный» балабақшада «Кітап-білім бұлағы» тақырыбында өнеге сағаты өтілді.Мақсаты: білімнің кітап арқылы  берілетінін ұғындыру. Зейінін шоғырландыру, шығармашылық қабілетін, тіл байлығын,  ой-өрісін дамыту. Кітаптарды құрметтей білуге, ұқыптылыққа, адамгершілікке тәрбиелеу.Бүлдіршіндерді Роза ханым аналармен таныстырды:Оңғарбаева Нурия,Исаева Лазат,Дангилова Мадина.  Психологиялық дайындықта  балалармен сәлемдесу түрлері бойынша,қол алысып, құшақтасып, басымызды иіп және қолымызды бұлғап.сәлемдесу орындалды. Жұмбақ жасырылды,оның шешімі кітап болды іс-шарамыз осы кітап жайлы болатындығы айтылды. Аналар балаларға «Кітаптар мұңы» көрінісін ұсынды, сөйтіп кітап күту ережесімен таныстырды. Көптеген балалар өздері ойларын айтып жатты. Әрбір ана бір-бір кітаптан әкеліп ол кітаптарға шолу жасады.Роза ана «Жаңылтпаш»  кітабын таныстырып екі балаға жаңылтпаш айтқызды;Нурия анамыз «Қазақтың ертегілері» кітабын таныстырып, «Қарлығаш пен дәуіт» ертегісін айтты; Лазат анамыз «Жұмбақтар» кітабынан жұмбақ жасырды; Мадина анамыз «Мақал-мәтелдер» кітабынан Отан туралы мақал айтып, балалардың мақалдарымен толықтырылды.Аналар осы кітаптарын балабақшаға тарту етіп қалдырды. Ал, бүлдіршіндерге естелікке «Бояулар кітапшасын» және «Әжемнің базарлығы» ретінде алманы сыйға тарту етті. Сергіту сәтіне Нурия әжеміздің «Қошақаным» әніне балалар аналармен бірге биледі. Естелікке суретке түсіп,балабақшаның меңгерушісі Назира ханымның алғысына бөленіп аналар тарасты.