Семинар - кеңес

Тараз қалалық ардагерлер кеңесінің ұйымдастыруымен Ш. Уалиханов атындағы Жамбыл облыстық кітапханада, мәдениет саласының бастауыш ардагерлер ұйымының жетекшілерімен семинар - кеңес өткізілді. Семинарға қалалық ардагерлер кеңесінің төрағасы Күләш Әмедияқызы Әбдікешова қатысып, Ардагерлер кеңесінің 2024 жылы атқарған жұмыстары туралы ақпарат берді. Ардагерлер кеңесінің жауапты хатшысы Сауранбек Жамалбеков бастауыш ардагерлер ұйымының мақсаты мен міндеттері туралы бағыт, бағдар беріп, әдістемелік нұсқаулар таратып берді. Семинарға арнайы Жамбыл облысының әкімдігінің мәдениет, архивтер және құжаттама басқармасы басшысының орынбасары Сара Мәдиева қатысып, сөз сөйледі. Бастауыш ардагерлер ұйымының төрағалары Дүйсенбек Бықыбаев, Асқарбек Сейілхан өз ойларымен бөлісіп, ұйым жетекшілерінің тәжірибе алмасуы оң нәтиже беретінін атап өтті. Семинар - кеңесі бастауыш ардагерлер ұйымының төрағалары мен белсенді мүшелерінің көңілінен шықты деген ойдамыз.

Малтабар Жаманбаев