ҰЙЫМ ЖҰМЫСЫ ЖАНДАНА ТҮСУДЕ

«Ардагерлер ұйымы» республикалық қоғамдық бірлестігінің соңғы ІХ сьезінде бекітілген Жарғысы талаптарына сәйкес Тараз теміржол көлік және коммуникация колледжінде бастауыш ардагерлер ұйымының  есеп беру-сайлау жиналысы өтті. Бастауыш ардагерлер ұйымының атқарған жұмыс туралы ұйым төрағасы Күлжан Керменбаева баяндама жасады. Сондай-ақ «Қазақстан аналары – дәстүрге жол» жобасының мүшесі Б.Жалбиева, бастауыш кәсіподақ ұйымының төрағасы Л.Ералиева атқарған жұмыстары туралы қосымша хабарламалар жасады. 
   Жарыссөзге шыққан ардагерлер Х.Құрбанов, Б.Қожамқұлов, Л.Н.Ли бастауыш ұйымының жұмысын қанағаттанарлық деген баға берді. 
  Тараз қалалық ардагерлер кеңесінің төрағасы  К.Әбдікешова және облыстық ардагерлер кеңесі жанындағы Билер кеңесінің төрағасы О.Есіркепов атқарылып жатқан жұмыстарға оң баға беріп, алдағы уақытта ұйым жұмысынын іс-тәжірибесін басқа бастауыш ұйымдарға тарату керектігіне назар аударды.