Жастарға дұрыс бағыт-бағдар


Жуалы ауданының «Достық» мәдениет үйінде облыстық прокуратураның ұйымдастырумен «Заң мен тәртіп» атты кездесу өтті. Оған мектеп директорлары, дене шынықтыру және алғашқы әскери дайындық пәнінің мұғалімдері, жоғарғы сынып оқушылары, әлем чемпиондары мен жаттықтырушылар, дін өкілдері және ардагерлер қатысты.
Кездесуді облыс прокурорының орынбасары Нұрбек Ұласбекұлы ашып, шараның мақсатымен таныстырды.
Аудан әкімі Жалғас Мұртаза сөз алып, шараның маңыздылығына тоқталды.
Бүгінгі кездесуді тәрбиелік, қауіпсіздік, адамгершілік жағынан маңызы зор шара деп есептеймін. Себебі, Мемлекет басшысы Қасым-Жомарт Тоқаевтың «Адал азамат-Адал еңбек-Адал табыс» қағидатының сақталуы – барлығымыз үшін ортақ тапсырма, ортақ міндет.
Жуалыдан Бауыржан Момышұлы, Шерхан Мұртаза сынды бүкіл қазааққа танымал үлгі болар тұлғалар шыққан. Одан бөлек, 15 генералымыз бар. Бұл жерлестеріміздің әрбір ерлігі, елге сіңірген еңбегі жас ұрпақ үшін үлкен үлгі- өнеге – деді.
Қатысушыларға тәрбиелік мәні бар бейнеролик көрсетілді. Яғни, бір отбасында тәрбиеленген екі баланың өмірге деген көзқарасы, әкесінің іс-әрекетін екеуі екі түрлі қабылдау арқылы тағдырының қалай өрілгені туралы бейнеролик көрермендерге ой салды.
«Қазақстан барысы» республикалық турнирінің үш дүркін жеңімпазы Бейбіт Ыстыбаев пен Олимпиада чемпиондарын тәрбиелеп жүрген үздік жаттықтырушы Нұралы Бүйенбаев спорттың жастарды ұйымшылдыққа, адамның рухын күшейтіп, патриоттық сезімін қалыптастырудағы рөлі туралы айтты.
Аудандық полиция бөлімінің басшысы Сейітжан Үйсенбаев қазіргі таңда жасөспірімдер арасында орын алып отырған қылмыстарға, оның заң алдындағы жауапкершілігіне тоқталды.
Ал облыстық психологиялық қолдау орталығының директоры Райф Ришат әр дәуірдегі адамдардың ерекшелігі туралы пікірімен бөлісті.
Б.Момышұлы ауылының Билер кеңесінің төрағасы, «Жуалы» көпшілік мешітінің имамы Сейітқазы қажы Медетбеков ата-бабалардың жас ұрпақ тәрбиесіндегі ұстанымына тоқталды.
Жамбыл облыстық көкпар федерациясының төрағасы Нұрдәулет Момынов аудан көкпаршыларының жеңісі мен ат спортының ер азаматтың тәрбиесіндегі рөліне тоқтады.
Кездесу соңында бірқатар педагогтар мен оқушылар сөйлеп, өз ой-пікірлерімен бөлісті.
Обсудить
Блок в статье:
Серік Сәлемов Жамбыл облыстық бокс федерациясының президенті болып сайланды
28 март 2025, Пятница
Еске алу кеші
28 март 2025, Пятница
БИ ӘДІЛ БОЛМАЙ – ІС ІЛГЕРІ БАСПАЙДЫ
23 март 2025, Воскресенье
Похожие материалы:
Комментарии (0)