Еліміз аман, жұртымыз тыныш болсын!

Тәуелсіздік - ащы термен келген тәтті жеңіс. 1986 жылдың ызғарлы желтоқсанында алаңға шыққан қазақ жастары демократияның алғашқы қарлығашы болды. Алматыда басталған демократиялық жалын артынан бүкіл Кеңес Одағын шарпыды. Бүгін сол Одақта болған 15 республиканың бәрі де тәуелсіз ел. Тәуелсіздігіміз баянды болсын!

Бүгін Тараз қаласындағы Тәуелсіздік мемориалы мен Қайрат Рысқұлбековтың ескерткішіне облыс басшылығы, жұртшылығы, зиялы қауым, желтоқсаншылар, жастар, партия, қоғам өкілдері халқымыздың бостандық туралы арманын ақиқатқа айналдыруға өлшеусіз үлес қосқан ерлердің рухына тағзым етіліп, құран бағышталды.

Еліміз аман, жұртымыз тыныш болсын!