Айбары асқақ Ата заң

"30- тамыз - Қ.Р. Конституциясы күніне" орай салтанатты іс-шара  " Ардагерлер орталығында " Тараз қаласының белсенді Ардагерлеріміздің қатысуымен өтті. Тараз қалалық ардагерлер кеңесінің төрағасы Күләш Әмедияқызы "Ел болу жолындағы басты міндеттердің бірі -  Конституцияның құрметтін арттыру " тақырыбында баяндама жасады. Облыстық ардагерлер кеңесінің төрағасы Еркінбек Бейсенбекұлы Солтыбаев ардагерлерді айтулы мерекемен құттықтады. Ардагерлердің " Әулие ата " ансамблі мерекелік концерттік бағдарламасын тарту етті. Ардагерлер ансамблінің әсем әндерін тыңдап, көңілді мерекенің куәсі болдық. Салтанатты жиын соңы " Ата Заңым - Айбыным" атты Ардагерлер арасында зияткерлік сайысымен ( сөз жұмбақ шешу) мәресіне жетті. Жеңімпаздар мен жүлдегерлер дипломдармен және қаржылай сый-сияпат пен марапатталды. 1- орын Тұрар Жапаров, 2- орын Аманқұл Искаковтың ал 3- орын Қанымкүл Бесімбайға бұйырды. Сондай- ақ белсенділік танытқан Баймұрат Жақсыбеков, Сейтхан Тортаев және осы күні  мерейлі 70 жасқа толған Аманжол Арынов арнайы Дипломдармен қаржылай сый-сияпат пен марапатталды. Айрықша мерекені Ардагерлер кең көлемде осылай атап өтті.