«Мүшел той» атты кездесу

Қызыл-арық ауылдық округінің Ақтөбе ауылдық клубында аналар алқасының ұйымдастыруымен ата-бабалардың ұрпақтан-ұрпаққа жалғасын тауып келе жатқан асыл мұраларын, салт-дәстүрін, ұлттық мәдениетін және мәдени құндылықтарын насихаттау мақсатында «Дәстүр мен ғұрып» жобасы аясында мүшел жас иелерімен «Мүшел той» атты кездесу өтті.

Кеш барысында жүргізуші мүшел жас туралы қысқаша мәліметтер беріп, кеш қонақтары – жас иелерімен таныстырды. Клуб жанынан құрылған «Ақ әжелер» әуесқой клубының жетекшісі Б.Төлегенова сөз алып, мүшел жас иелерін құттықтап, ыстық лебізін білдірумен бірге, мүшел жас туралы өзінің бала кезіндегі естеліктерінен әңгімелеп берді. Ал, клубтағы үйірме жетекшісі Ф.Оразбекова мүшел жас туралы толғауын оқыды. Мүшел жас иелері Парасат Мамытова мен Гүлзада Ермаханова бір – бірлеріне және мүшел жас иелеріне тілектерін айтып, құттықтады.
Іс-шарада әжелар әуесқой клубының мүшелері әндерін орындап, көпшіліктің көңілін бір серпілтіп, құанышқа бөледі. Кеш соңынан клуб ұжымының атынан мүшел жас иелеріне сыйлық табыс етілді.