Ұлы Жеңіс: Ерлікке тағзым, ұрпаққа үлгі!

Бүгін «Ардагерлер ұйымы» республикалық қоғамдық бірлестігі Орталық кеңесінің кеңейтілген төралқа отырысы өтті. Күн тәртібінде – Жеңістің 80 жылдығына дайындық және оны мерекелеу шараларын жүзеге асыру.

 Жиынға ардагерлер кеңестерінің басшылары, ҚР Парламенті Мәжілісінің депутаты – Әшімжанов Жанарбек Садықанұлы, Мәдениет және ақпарат вице-министрі – Құрманова Айзада Амангелдіқызы, Еңбек және халықты әлеуметтік қорғау вице-министрі – Анафин Олжас Сейтбатталұлы , ҮЕҰ мен БАҚ өкілдері қатысты.

 Президент Қасым-Жомарт Тоқаев Атырауда өткен Ұлттық құрылтайда Жеңістің 80 жылдығына дайындықты бастауды тапсырған болатын. Сонымен қатар, “Ана тілі” газетіне берген сұхбатында да мерекенің маңыздылығына ерекше тоқталып, соғыс және тыл ардагерлері назардан тыс қалмайтынын баса айтты.

Басты баяндаманы мемлекет және қоғам қайраткері, Орталық кеңес төралқасының мүшесі, ғылым докторы, генерал-лейтенант – Тасболатов Абай Бөлекбайұлы сөйледі. Сонымен қоса, «Ардагерлер ұйымы» Орталық кеңесінің төралқа мүшесі, мемлекет және қоғам қайраткері – Тұрғараев Бекет Тұрғараұлы, Алматы қаласы ардагерлер кеңесінің төрағасы – Бижанов Ахан Құсайынұлы, Шығыс Қазақстан облысы ардагерлер кеңесінің төрағасы – Шерубаев Айтқазы Сейітұлы баяндама жасады. 

 Отырыс барысында ардагерлерімізге лайықты құрмет көрсету, жас ұрпаққа патриоттық тәрбие беру және Жеңістің 80 жылдығын жоғары деңгейде атап өтуге байланысты нақты ұсыныстар айтылды.