"ӘЙЕЛДЕР ҚАНАТЫ ОТБАСЫ -ҰЛТТЫҢ ТІРЕГІ"

«Әлемдегі ең сұлу – қазақ әйелі. Бірақ осыны қазақтың өзі біле ме екен? Білген. Абай заманында, Мағжан заманында. Тіпті біздің әке, ағаларымыздың тұсында. «Айттым сәлем, Қаламқас» кімге арналды? «Желсіз түнде жарық ай» кіммен табыстырып еді? «Шолпысының сылдыры» жүректі жандырған кім? «Қара шашы мойынға оралып», жан-дүниені еріткен кім? «Көзінен күн шұғыласы көрінген» қазақ аруы болатын. Қазақ әйелі – бар мұратын отбасының игілігіне байлаған, әлемдегі ең ізгі әйел. Қазақ әйелі – бар тілегін перзентінің жолына арнаған, әлемдегі ең мейірбан әйел. Қазақ әйелі – бар бақытын некелі ерінің талайынан күткен, әлемдегі ең адал әйел. Ұлттың ұйтқысы. Ұрпақтың анасы. Солай болған, солай бола беруге тиіс. Болмас қисыны жоқ, неге десеңіз, бұл әйелдің бойында сиқырлы, құтты, өзгеше қасиет бар, оның аты – сұлулық: жан сұлулығы, тән сұлулығы… Ол рас, әлемдегі ең сұлу – қазақ әйелі!» Бұл – Мұхтар Мағауин шығармалар жинағының 11-томынан алынды. Өте керемет жазылған. Иә-иә, қазақ қыздары расымен де әдемі. Олар жүзімен де, жүрегімен де, сөзімен де, ісімен де сұлу. 
Бүгін осындай ару да ақылды, бір отбасының ұйытқысы болып отырған аналарымыздың құрметіне  ЖАМБЫЛ ОБЛЫСЫ ШУ АУДАНЫ ТӨЛЕ БИ АУЫЛЫ МӘДЕНИЕТ ҮЙІНДЕ АМАNAT ПАРТИЯСЫ ЖАМБЫЛ ОБЛЫСТЫҚ ФИЛИАЛЫ "ӘЙЕЛДЕР ҚАНАТЫ ОТБАСЫ -ҰЛТТЫҢ ТІРЕГІ"  ТАҚЫРЫБЫНДА АЙМАҚТЫҚ КОНФЕРЕНЦИЯСЫ ӨТТІ.