«Балаларға бірге көмек берейік»

Әлеуметтік жағынан қорғалмаған отбасы балаларына қолдау көрсету мақатында дәстүрге айналған «Мектепке жол» республикалық акциясы биыл «Балаларға бірге көмек берейік» атты айдармен өткізілуде. Акция еліміздің барлық өңірлерінде ағымдағы жылдың 1 тамызы мен 30 қыркүйек аралығында өтуде. Акцияның мақсаты: жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету; баланың әлеуметтік себептермен мектепке келмей қалуының алдын алу болып табылады. Қордай аудандық Ардагерлер кеңесі «Мектепке жол» акциясына қатысып, Жаназақ Альтайыр 4 – сынып, Жаназақ Айзере 2 – сынып оқушыларына мектепке қажетті құрал – жабдықтар мен қыстық сырт киім, бас киім, қолғап, аяқ киімдермен қамтамасыз етті.                                                                           Қордай аудандық Ардагерлер кеңесі