Ардагерлер ұйымының жұмысына оң баға берді

Жамбыл облыстық көп бейінді ауруханасының бастауыш ардагерлер ұйымының есеп беру сайлау жиналысында төраға Сабыр Оспанов есепті кезеңдегі атқарған жұмыстары туралы есебін берді.
Жиынға қатысқан облыстық ардагерлер кеңесінің төрағасы Еркінбек Бейсенбекұлы Солтыбаев, Тараз қалалық ардагерлер кеңесінің төрағасы Күләш Әмедияқызы және Ардагерлер кеңесінің денсаулық сақтау комиссиясының төрайымы Абылғазина Жұмакүл ардагерлердің атқарған жұмыстары туралы ақпарат берді. Жиналыста сөйлеген Ардагерлер ұйымының жұмысына оң баға берді.
Есеп беру сайлау жиналысында төраға болып Сабыр Оспанов бірауыздан қайта сайланды. Жиналысқа қатысқан ардагерлер мемлекет басшысы Қасым- Жомарт Тоқаевтың Қазақстан халқына жолдауын және 6 - қазанда референдумға қатысатынын және бір ауыздан қолдайтынын жеткізді. Жиналысқа ауруханасының бас дәрігері Жұманқұлов Марат Сейтбекұлы төрағалық етті.