ТӘТТІДЕГІ ЖИЫН

 Тәтті ауылдық округінде кезекті жоспарлы түрдегі ауылдық ардагерлер кеңесінің есеп беру,  сайлау жиналысы өткізілді. Ауылдық ардагерлер кеңесінің төрағасы Байтүгелов Сәбит жиналысты ашық деп жариялап, жиналысқа келген жамағатқа жалпы қысқаша мағлұматтар берілу үшін алғашқы сөз кезегін аудандық әкелер кнңесінің төрағасы Әлімбаев Бектай Күзембайұлына берді. Сөз алған Бектай Күзембайұлы Меркі аудандық ардагерлер кеңесінің биылғы жыл басынан бергі өткізген тұрмыстық салт--дәстүріміз бен рухани--әлеуметтік ұлттық  құндылықтарымызға негізделген біршама іс--шаралармен жиналғандарды таныстырып өтті. Одан соң ауылдық ардагерлер кеңесінің төрағасы Байтүгелов Сәбиттің ауыл тұрғындарымен жыл басынан бергі өткізген іс--шараларына есеп беру мәліметтері тыңдалды.
Жарыс сөзге шыққан төрт азаматтың пікір--ұсыныстары тыңдалып, төрағаның атқарған жұмыстарына "қанағаттанарлық" деген баға берілді және оған бұдан әрі де өз қызметін жалғастыра берсін деген шешім қабылданды. Жиналыс кеңейтілген форматта өткізіліп, оған ішкі істер бөлімінің өкілдері, жергілікті тәртіп сақшылары қатысты. Көтерілген мәселелер-- жалпы қоғамдық тәртіп пен жол қауіпсіздігіне зиянын тигізіп, беймезгіл уақыттарда иесіз бос жүретін малдар төңірегінде өрбіді. Тиісті ескертпелер айтылып, оған тұрғындар тарапынан қажетті шаралар жүзеге асырылатын болып шешілді.
Осымен Тәтті ауылдық ардагерлер кеңесінің М. Маметова о/м ғимаратында өткізген есеп беру, сайлау жиналысы тәмамдалды.