Бесағаш бастауыш ардагерлер ұйымында

Жамбыл ауданы Бесағаш бастауыш ардагерлер ұйымында есеп беру- сайлау жиналысы өтті. Жиналысқа облыстық ардагерлер кеңесінің төралқа мүшесі, облыстық "Ғұмыр-Дария" газетінің бас редакторы Ж.Миллионов, аудандық ардагерлер кеңесінің төрағасы Б.Сырлыбаев, аудандық Билер кеңесінің төрағасы Б. Саршаев қатысып отырды.
   Бастауыш ардагерлер кеңесінің төрағасы Ә.Ахметов екі жарым жылдың аралығында атқарылған жұмысы туралы баяндады. Ардагерлердің ұйымдастыруымен атқарылған жұмыстар туралы мәлімдеді. Ауыл ардагерлерінің аудандық,  облыстық спорттық спартакиадаларындағы ерекше жетістіктерін атап өтті.
    Қосымша сөйлеген ардагерлер Б.Байулиев, Б.Айдарбеков, С.Оспанов, Ж.Бөрібеков ауылда көп деген игілікті істердің атқарылғанын атап өтіп кеңес жұмысына қанағаттанарлық деген баға берді.
   Жиынға қатысқан Ж.Миллионов, Б.Сырлыбаев ардагерлер кеңесінің алдағы жұмысына сәттілік тіледі. 
   Бесағаш аудандық ардагерлер кеңесінің төрағалығына қайтадан Ә. Ахметов сайланды.